Гандантэгчэнлин хийдийн Батцагаан дуганы өмнө заларч буй бурхан багшийн дүрүүдэд усан тахил өргөх үйл ажиллагааг шинийн 15-ныг хүртэл зохион байгуулна. Тавдугаар сарын 23-нд бурхан багшийн их дүйчин өдөр Сүхбаатарын талбайгаас Гандантэгчэнлин хийд хүртэл хүндэтгэлийн жагсаал зохион байгуулна. Лам хуврагууд ном уншин, уран бүтээлчид урлагийн үзүүлбэр толилуулах юм. Буддын шашны чиглэлээр үйл ажиллагаа явуулдаг сүм, хийд, дацан, ТББ-ууд мод тарих, хот тохижуулах, асрамжийн газруудад тоног төхөөрөмж хандивлах үйл ажиллагааг зохион байгуулдаг уламжлалтай.