Тавдугаар сарын нэгдүгээр арав хоногийн эх, сүүл, хоёрдугаар арав хоногийн эхээр ихэнх нутгаар температур сэрүүсэж, цасан болон шороон шуургатай.  Хоёрдугаар арав хоногийн дунд, сүүлч үеэр дулаарна. Сарын сүүлчээр ихэнх нутгаар хур тунадас орох буюу уулархаг газраар нойтон цас, говь тал хээрийн бүс нутгаар бороо орно. Сарын турш өдөр, шөнийн болон дулаан, хүйтэн үеийн агаарын температурын зөрөө (хэлбэлзэл) ихтэй байх ба малчид, тариаланчид мал төллөх, хаврын тариалалтын үед анхаарах шаардлагатай байна. Цаг агаарын богино хугацааны мэдээг өдөр тутам хүлээн авч, аюулт болон гамшигт үзэгдлээс урьдчилан сэргийлэхийг нийт ард иргэдэд сэрэмжлүүлж байна.