Өсвөр үеийнхний эрүүл мэндийг дэмжих, гимнастикийн дасгал хөдөлгөөнөөр бие бялдрыг чийрэгжүүлэх,зорилготой Улаанбаатар хотын аварга шалгаруулах хөгжөөн дэмжигчдийн анхдугаар тэмцээн болж байна. Тус тэмцээнд ерөнхий боловсролын сургуулийн сурагчдын дунд гурван насны ангиллаар, хоёр үе шаттайгаар зохион байгуулж байна. Тэмцээний I шатны шалгаруулалтад нийслэлийн ерөнхий боловсролын 60 сургуулийн 2660 гаруй сурагч хурд хүч, авхаалж самбаагаа сорин оролцсон. Үүнээс 33 сургуулийн 56 багийн 896 сурагч II шатанд шалгарсан юм.