Татварын шинэчилсэн хуулиар 2020 оны нэгдүгээр сарын 1-нээс хойш орон сууц худалдан авсан, хувьдаа амьдран суух орон сууц барьсан иргэн зургаан сая хүртэлх төгрөгийг буцаан авдаг.Мөн төрсөн болон үрчилж авсан,  дагавар, асран хамгаалагчаар бүртгэгдсэн хүүхдийнхээ төлбөрөөс иргэд хөнгөлөлт авах боломжтой. Энэ жил  орон сууцны буцаан олголтод 20,090 иргэн хамрагдаж, 41.5 тэрбум төгрөг, оюутны сургалтын төлбөрийн буцаалтад 8,889 оюутан хамрагдаж  5.6 тэрбум төгрөг авч эхэллээ.