АНУ-ын ерөнхийлөгч Ж.Байден, Хятадын ерөнхийлөгч Ши Жиньпин нар уулзлаа. Ши Жиньпин АНУ, Хятадын харилцаа амаргүй байсан. Гэхдээ алхам алхмаар урагшилсаар байна. Энэ харилцаа цаашид ч үргэлжилсээр байх болно гэжээ. Ши Жиньпин 2017 онд Флорида мужид тухайн үеийн ерөнхийлөгч Д.Трамптай уулзснаас хойш АНУ-д очоогүй байсан юм. Байдены засаг захиргааны үед Хятад, АНУ эдийн засгийн ширүүн өрсөлдөөнийг хадгалж, Тайванийн бүрэн эрхт байдал, Украины дайн, түүнчлэн коронавирусын гарал үүслийн асуудлаар геополитикийн хурцадмал байдал нэмэгдсэн. Энэ оны эхээр Хятадын тагнуулын бөмбөлөгүүд АНУ-ын тивийн дээгүүр хөвөхөд шинэ мөргөлдөөн болсон. .Дээд хэмжээний уулзалтын үеэр эдгээр хурцадмал байдлыг намжаахыг хичээсэн. Ж.Байден “Миний үүрэг бол зөрчилдөөн гарахгүйн тулд оновчтой, удирдах боломжийг бий боллгох юм гэжээ.