Монгол Улс, ХБНГУ-ын Хөгжлийн хамтын ажиллагааны хүрээнд хэрэгжүүлж буй энэхүү төслийн II үе шатанд ХБНГУ-ын Засгийн газраас дахин 19,5 сая еврогийн буцалтгүй тусламж олгохоор шийдвэрлээд байна.

Тус төслийн хүрээнд бартаат замын 4 ширхэг мотоцикл, 62 ширхэг судалгааны багаж хэрэгслийг  Байгаль орчин, аялал жуулчлалын яамны Төрийн нарийн бичгийн дарга Ц. Цэнгэл Хөгнө Тарны Байгалийн цогцолборт газрын Хамгаалалтын захиргаанд гардуулав.

Тусгай хамгаалалттай газар нутгийн хамгаалалтын захиргааны үйл ажиллагааг дэмжих, хамгаалалттай газар нутагт эргүүл, хяналт шалгалт, судалгаа мониторингийн ажлыг  чанартай гүйцэтгэхэд эдгээр тээврийн хэрэгсэл, хээрийн судалгааны тоног төхөөрөмжүүд нь чухал ач холбогдолтой юм.