Монгол Улсад нисэх хүчин үүсч хөгжсөний 93 жилийн ойд зориулсан “Нисэх-Миний ирээдүй” мэргэжил сурталчлах өдөрлөг  маргааш буюу 2018 оны  5 дугаар сарын 19-ны өдөр  Үндэсний цэцэрлэгт хүрээлэнд зохион байгуулагдана.

Өдөрлөгийн үеэр нисэхийн салбарт ажиллах хүсэл, сонирхолтой оюутан залуус, ерөнхий боловсролын сургуулийн төгсөх ангийн сурагчдад зориулан нисэхийн чиглэлийн ямар мэргэжил эзэмших, гадаад, дотоодын их, дээд сургуулиудын мэдээлэл, ажлын байранд тавигддаг шаардлага гээд олон талын мэдээ, мэдээллийг хүргэх юм байна. 

Тус өдөрлөгт Иргэний нисэхийн ерөнхий газар, түүний алба салбарууд, МИАТ ХК, Хүннү эйрХХК, “Аэро монголиа” ХХК, Отгонтэнгэр, “Их-Засаг” Их сургууль зэрэг 20-иод байгууллага оролцоно.