Энэ онд улсын хэмжээгээр 408.9 мянган га-д үр тариа, үүнээс 390.4 мянган га-д улаанбуудай, 15.5 мянган га-д төмс, 8.4 мянган га-д хүнсний ногоо, 32.0 мянган га-д тэжээлийн таримал, 41.9 мянган га-д тосны ургамал, 6.5 мянган га-д жимс жимсгэнэ, нийтдээ 513.2 мянган га-д тариалалт хийнэ.

Засгийн газрын шийдвэрийн дагуу тариалан эрхлэлтийг дэмжих сангаар дамжуулан 400 гаруй аж ахуйн нэгж, иргэнд 23.7 мянган тонн буудайн үрийг олгож байна.

“НИК” ХХК-тай байгуулсан гэрээний дагуу 3.5 мянган тонн шатахууныг орон нутгийн шатахуун түгээх станцуудаар дамжуулан бөөний үнийг 1720-1800 төгрөг, жижиглэнгийн үнийг 1949-2080 төгрөгөөр тус тус тооцож, 50 хувийн урьдчилгаатай, бордоо, ургамал хамгааллын бодисыг 30 хувийн урьдчилгаатай зээлээр олгох ажлыг шуурхай зохион байгуулж байна.

Улаанбаатар хотод зам засварын 25 ажил хийнэ

Улаанбаатар хотод зам засварын ажилд  энэ онд 25 төсөл арга хэмжээ дээр 1 тэрбум 500 сая төгрөгийн төсөв суулгажээ.

Сүхбаатарын талбайн урд талын зам, Циркийн зүүн талд байрлах замд нөхөөсний ажил хийж байгаа. Наадмаас өмнө зам засварын нөхөөсний ажил дуусах юм.  Харин  Зурагтын эцэст, Баянхошууны замын 300 м2 талбайд 87 сая төгрөгийн өртгөөр хийгдэж буй ажлууд ирэх сарын 14-нд дуусна.