БОАЖЯ, Монгол-Солонгосын “Ногоон хэрэм” төслийн хамтын ажиллагааны хүрээнд “Улаанбаатар хотын ой” буюу Монгол-Солонгосын найрамдлын цэцэрлэгт хүрээлэнгийн шав тавих ёслол боллоо. БНСУ-н Ойн ерөнхий газрын буцалтгүй тусламжаар хэрэгжүүлж буй энэхүү хүрээлэнг  Сүхбаатар дүүргийн 16 дугаар хороо Дамбадаржаад байгуулах юм. Улаанбаатар хотын ой нь нийт 3 тэрбум воны төсвөөр 40 га талбайд бүтээн байгуулалтын ажил хийх ба 2021 оны 5 дугаар сар хүртэл төсөл хэрэгжинэ. Цэцэрлэгт хүрээлэнд танин мэдэхүйн цэцэрлэг, унадаг дугуйн зам, хүүхдийн тоглоомын талбай, спортын талбай зэргийг байгуулах ба 100 гаруй нэр төрлийн мод, ургамлыг тарих юм.