Хүүхдийг зам тээврийн хэрэг,осол гэмтлээс урьдчилан сэргийлэх, иргэд олон нийтэд хэргийн хор уршгийг таниулах зорилгоор ЗЦА-наас “Бяцхан зорчигч” аян эхлүүллээ. Өнгөрсөн онд зам тээврийн ослын улмаас 55 хүүхдийн амь нас хохирч, 1058 хүүхэд гэмтжээ. Хүүхдийг тээврийн хэрэгслээр тээвэрлэхдээ машины цонхоор толгой биеийг гаргах, босгож явах, өвөр дээрээ болон жолооны хүрдний ард суулгах,  бага насны хүүхдийг  хараа хяналтгүй  замын хөдөлгөөнд оролцуулах унадаг дугуй, ролик, скүтер зэргээр авто замын зорчих хэсэг, зам дээр тоглуулж байгаа нь шууд   эрсдэлийг бий болгодог. Цаашид сургууль орчимд эцэг эхчүүд эргүүлд гарах, харанхуй гудамжийг гэрэлтүүлэх, эцэг эхчүүдийн бага насны хүүхдэд тавих хараа хяналтыг сайжруулах зэрэг олон ажлууд хийхээр төлөвлөж байгаа юм байна.