“Улаанбаатар марафон-2023” олон улсын гүйлтэнд энэ жил хөгжлийн бэрхшээлтэй иргэдийн гүйлтийн төрлийг нэмснээрээ онцлогтой. Тус өдөрлөгт 100 гаруй аж ахуй нэгж, 500 гаруй сайн дурын ажилтан оролцож, 30 орны 20 мянга гаруй хүн гүйлээ. Тус өдөрлөгт спортын чиглэлээр үйл ажиллагаа явуулдаг байгууллагуудаас гадна олон улсын байгууллагууд, Элчин сайдын яамд, уул уурхай, банк санхүү, худалдаа үйлчилгээний байгууллагууд оролцож байна. Мөн гүйлтийн зам дагуу дөрвөн усны цэг ажиллаж цэг тус бүрд эрүүл мэндийн үзлэг хийлээ.