Нийслэлийн Залуучуудын хөгжлийн газраас  Нийслэлийн залуучуудад эерэг хандлагыг төлөвшүүлэх, гэгээн мөрөөдөлтэй зөв зорилготой болгох, “Эерэг амьдарцгаая залуучууд аа!” аяны нээлт зохион байгууллаа.

Аяны хүрээнд залуусыг зөв 10 дадлыг хэвшүүлэхийг зорьж байгаа. Олон нийтийн газар биеэ зөв авч явдаг, Замын хөдөлгөөнд соёлтой оролцдог, Бусдыг хүндэлдэг, талархлаа илэрхийлдэг, Ёс заншлаа дээдэлж, зөвөөр хэрэгжүүлдэг, Санаачилгатай, оролцоотой, Эрүүл амьдралын хэвшилд суралцаж хэрэгжүүлдэг, Бусдын төлөө сэтгэл гаргадаг, Ногоон орчин бүтээдэг, Нийгмийн хэм хэмжээ, соёлд суралцсан, Цаг баримталдаг иргэн байх зорилтыг тусгаад байна.

“Эерэг амьдарцгаая залуучууд аа!” аяныг 2017 онд амжилттай зохион байгуулж, 6000 гаруй оюутан залуучууд оролцсон. 2018 онд нийслэлийн 9 дүүрэгт зохион байгуулахаар төлөвлөн ажиллаж байна