Тал нутгийн мөсөн шоу буюу “Grass land on Ice 2023″ уран гулгалтын анхны шоу тоглолт боллоо. Нийслэл хотод үүд хаалгаа нээсэн “Степпe Арена” мөсөн ордонд болсон шоуны ивээн тэтгэгчээр Соёлын яам, “МИАТ” ТӨХК, дэмжигчээр Япон Улсаас Монгол Улсад суугаа Элчин сайдын яам оролцсон. Мөсөн дээр гайхамшгийг үзүүлэх санаачилгыг Монголын тэшүүрийн холбоо гаргаж, Японы уран гулгалтын холбоотой хамтран уран гулгалтын спортыг хүүхэд залууст үзүүлсэн юм.