Байгаль орчны тэнцвэрт байдлыг хангах, уур амьсгалын өөрчлөлтийн асуудалд олон нийтийн анхаарлыг хандуулах зорилготой “Эх дэлхийн цаг” арга хэмжээ зохион байгуулагдаж өнгөрлөө.

Энэхүү арга хэмжээг дэлхийн 180 гаруй улс орны 8000 гаруй хотууд жил бүрийн гуравдугаар сард тэмдэглэн өнгөрүүлдэг ба айл өрх, албан байгууллагууд нэг цагийн турш гэрлээ унтрааж байгаль хамгаалах үйл ажиллагааг дэмжиж буйгаа илэрхийлж нэгддэг юм.

“Эх дэлхийн цаг” арга хэмжээг Дэлхийн Байгаль хамгаалах сангийн Монгол дахь хөтөлбөрийн газар, Нийслэлийн Байгаль орчны газар, Эрчим хүчний зохицуулах хороо, “Зориг сан”, ”Байгаль орчны манлайлал” ТББ, Ариг банк хамтран Монгол Улсад 10 дахь жилдээ зохион байгуулж байгаа юм.