Сангийн сайд асан С.Баярцогтыг Швейцарийн банкинд дахь дансаараа дамжуулж Оюу толгойгоос мөнгө авсан. Энэ мөнгөө Оюу толгойн гэрээ хийснийхээ төлөө авсан байж болзошгүй хэмээн гадаад, дотоодын хэвлэлүүд бичиж олон нийтэд ил зарласан, хууль хүчний байгууллагууд ч шалгаж эхэлсэн. Энэ шуугианд тэрбээр хариу өгч “Оюу толгойн гэрээг хийхдээ авлига аваагүй гэдгээ  нотолно. Байнгын хардлага сэрдлэг намайг дагаж ирсэн. АН энэ шуугианаар далимдуулж намайг намаасаа хөөлөө. Би улстөрийн карьераа дэнчин тавьж энэ гэрээг хийсэн. Асуудлыг нэг талд гаргана” гэдгээ хэллээ. Үнэхээр улс төрийн шоу байсан уу үнэнд нийцэх эх орныхоо баялагийг худалдсан гэмт хэрэг байсан уу гэдгийг цаг хугацаа харуулах биз ээ.