Говь-Алтай аймгийн Бургастайн боомтоор 400 тонн шахмал түлш оруулж ирсэн гэр хорооллын иргэдэд тараах гэж байна гэсэн мэдээлэл хэвлэл мэдээллийн хэрэгслүүдээр цацагдаж эхэлсэн. Үүний хариуд “Тавантолгой түлш” ХХК-иас мэдээлэл хийсэн. БНХАУ-аас хагас коксжуулсан нүүрс оруулж ирэн, гэр хорооллын иргэдэд тарааж байна гэдэг бол худал. Лабораторийн туршилтад ашиглах зорилгоор тодорхой хэмжээний хагас коксжуулсан шахмал түлшийг авчирсан. Жилд 200 мянган тонн шахмал түлш үйлдвэрлэх ёстойгоос 140 мянган тонн түлшийг үйлдвэрлэсэн. Долоон дүргийн 97 агуулахад 110 мянган тонн түлшийг нөөцөлсөн. Дахин хоёр шугам шинээр ашиглалтад орох учир үйлдвэрлэлд асуудал байхгүй.Шаталтаас үүсэх хүхэрлэг хийн агууламж 3-4 дахин буурах боломжтой гэв.