Цаг агаарын урьдчилан сэргийлэх мэдээгээр даваа гарагт буюу өнөөдөр нийт нутгуудаар цочир хүйтэрч, цас их хэмжээгээр орж 40 хэм хүрч хүйтэрнэ гэсэн. Энэ мэдээллийн хүрээнд нийслэлээс төрийн болон төрийн бус өмчийн бүх шатны сургууль, цэцэрлэгийн үйл ажиллагааг цахимаар хичээллүүлэх шийдвэр гаргасан.Харин энэ шийдвэрийг БСШУ-ны сайд Л.Энх-Амгалан эсэргүүцэн боломжтой бол сургууль цэцэрлэгийг нэг ч өдөр цахимаар хичээллүүлэхгүй байх нь зөв. Ковидын үеийн хичээлийн хоцрогдол одоо ч арилаагүй байна. БСШУ-ны хариуцах ажлын хүрээнд цахимаар хичээлүүлэх шийдвэр гарна гэдгийг онцолсон. Сайд, хотын захирагч 2-ын хэнийх нь зөв, хэнийх нь буруу болох нь олон нийтэд чухал биш боловч хоорондоо учраа олоод шийдвэрээ олон нийтэд зарлаж байхгүй бол иргэд төөрөлдөж, хүүхдүүд хохироод үлдэх вий. Хүүхдээ, замын түгжрэлээ бодсон хотын даргыг буруутгаж болохгүй ч,боловсролоо бодсон сайдын үгийг бас буруу гэж гөрдөж болохгүй. Сургууль, цэцэрлэгийг цахимаар хичээллүүлнэ, хичээлүүлэхгүй гэж хоёр тийш үг шидэлцсэний эцэст ямартаа ч нэг өдөр цахимаар хичээллэхээр болов. Цаашид иргэдийг төөрөгдүүлсэн шийдвэр дахин битгий гараасай билээ.