Монголын Үндэсний музейд виртуал орчинд Монгол Улсын түүхийг харуулсан үзэсгэлэнгийн танхим ажиллаж байна. 1921-2021 оны үед холбогдох 280 гаруй үзмэр, эд өлгийн зүйлсийг дээжлэн сор болсон 16 үзмэрийг виртуал үзэсгэлэнд толилуулж байгаа юм. Маршалын од, ёслолын дүрэмт хувцас, сэлэм, Ж.Гүррагчаагийн сансрын бүхээгийн тусгай өмсгөл, хилийн захын дөрвөн цэгт орших Соёмбот хөшөөний эх загвар зэргийг үзэж сонирхох боломжтой.