Зэрлэг ан амьтад харангаа гольф тоглож болно

access_time 2022-11-26 10:50

Кенийн далайн эрэг дээрх 2500 акр талбай бүхий Випинго Ридж нь Африк дахь цорын ганц PGA магадлан итгэмжлэгдсэн курс бөгөөд олон тооны зэрлэг ан амьтдын гэр юм. Випинго Рижийн гольфын захирал Салем Хажи CNN-д өгсөн ярилцлагадаа “Хүмүүс гольф тоглохын хажуугаар эргэн тойрондоо зэрлэг ан амьтад харах боломжтой. Энэ бол гайхалтай. Манайх амьтны хүрээлэн ч биш. Гэхдээ амьтад энд байхыг хүсдэг гэжээ. Випинго Рижийн дарга Аластэр Кавено: Манайх Кенийн зэрлэг ан амьтдын албатай хамтран амьтдыг цэцэрлэгт хүрээлэн байгальд дахин нутагшуулах зорилготой. Ингэснээр амьтдын нөөцийг өсгөж, удмын санг сайжруулах үржлийн хөтөлбөрийг бий болгоно. Дархан цаазат газар, хамгаалалтын бүсүүдэд зэрлэг ан амьтдын орон зайг бий болгосноор хүн амьтдын зөрчил багасна. Манайд шувуу, бүргэд, буга, матар, анааш зэрэг олон амьтад бий гэж тайлбарлажээ.

Шинэ мэдээ