Монголын оюутны холбооны санаачилгаар хэрэгжиж эхэлсэн “Оюутан цэрэг” хөтөлбөр Цэргийн албаны тухай хуулийн долдугаар зүйлд тусгагдсаны дагуу тав дахь жилдээ хэрэгжих гэж байна. “Оюутан цэрэг”-т цэргийн мэргэжил олгох сургалтад хамрагдах оюутнуудыг ирэх гуравдугаар сарын 2-9-ний өдрүүдэд бүртгэхээр болжээ.Өөрөөр хэлбэл, 2000 оны гуравдугаар сарын 10-наас өмнө төрсөн оюутнууд иргэний үнэмлэх, цэргийн үүрэгтний үнэмлэх, оюутны үнэмлэх, Эрүүл мэндийн даатгалын дэвтэр, сургуулийн тодорхойлолт /сургуулийн захиргаанаас “Оюутан цэрэг” сургалтанд хамрагдах зөвшөөрлийн хамт /, сурлагын дүнгийн хүснэгт, сургалтанд хамрагдахыг хүссэн өргөдөл зэргийг бүрдүүлэх учиртай гэнэ.